Segunda vuelta eleutoral

Segunda vuelta eleutoral ye'l términu utilizáu pa designar la segunda ronda de votación en dellos sistemes d'eleición a cargos executivos o llexislativos. En sentíu ampliu, consiste en que pa llegar al cargu públicu que correspuenda ye necesariu llograr más de la metá de los votos emitíos.

Esta institución naz nel sieglu XIX, per primer vegada en 1852 cola instauración del Segundu Imperiu Francés de Napoleón III. Depués aplícase nuevamente na III República y surde con gran fuercia na V República al traviés de la Constitución francesa de 1958. Ye una institución eleutoral paradigmática del derechu eleutoral y constitucional francés.

N'otres pallabres, cuando nuna eleición presidencial nengunu de los candidatos supera un determináu porcentaxe de los votos (polo xeneral mayoría absoluta), realízase una segunda vuelta pa decidir ente los dos primeros candidatos. Trátase pos d'una eventual etapa del procesu d'eleición d'una autoridá.